Parolle è fiure in spartera

In L’Isula, trà muri anziani è giardini chjosi, l’arte si move di modu liberu ; s’ascolta, si leghje, si fideghja : « Vuliamu crià un centru dedicatu à a litteratura, spiega Béatrice Habrard-Malaspina, cuurdinatrice d’Arte Libri. Ma prestu, l’imagine hè ghjunta pigliassi à e parolle. Oghje, circhemu à culligà scrittura è creazione plastica, senza ierarchia nè pastoghje.

U locu vive grazia à a premura di benevulenti appassiunati chì accoglienu è guidanu, animendu è urganizendu bibliuteca per zitelli, club di lettura, mostre, cunferenze, scontri, residenze d’artisti, firma di libri… Quì, ghjè l’umanu, sopratuttu, chì nutrisce attempu l’opera è i belli ricordi, cum’è stu quartu d’ora naziunale di lettura induve Arte Libri fece ribumbà in francese è in arabu i versi dolci di Prévert. « Una stonda emuziunante, purtata da a voce di ste donne marrucchine ch’è no accumpagnemu, in attelli, in l’amparera di u francese. »

Un estate per respirà l’arte

Cù a bella stagione, Arte Libri allarga torna l’orizonti. Di pettu à a Casa Salvini, l’ortu verdighjante di a famiglia Sanguinetti diventa l’astucciu di Cinelibri, manifestazione maestra di l’associu in giru à l’adattazione cinematugrafica d’opere litterarie. Un evenimentu fattu di pruiezzione sottu à l’arburi è di scambii incù autori è rializatori rinumati.

Da u 3 à u 5 di lugliu, Romane Bohringer è Clémentine Autain ci si ritruveranu per Dites-lui que je l’aime, mentre chì Hafzia Herzi è Fatima Daas daranu vita à La Petite Dernière. Stu tempu forte precederà u rifiatu d’aostu. Po l’attività ripiglierà, cum’è e « visite d’attelli », ispirante. « Intagliadori, scultori è fotografi ci feranu entre di novu in u so universu, per cuntacci u so raportu cù a materia, a luce, u spaziu… Una sperienza scarsulata ! », annunzia Arte Libri, presidutu da Mimi Allegrini- Simonetti è natu cinque anni fà per offre un accessu largu è scuccagnatu à l’arte è a cultura.

Dapoi unepochi di mese, stu « laburatoriu » suvvenziunatu da a Cullettività di Corsica è a merria di L’Isula sviluppa un’attività edituriale, un cuncettu di mediateca transartistica è intende di participà à u prugettu « Racontez votre ville », iniziatu da persunalità lucale intornu à e testimunianze di L’Isulani. Cusì e belle favule a li duranu à turnà spirienze carnale soffice è gradevule…