L’arte di ballà inseme

Le coup de cœur de Primura

Pè a direttrice è fundadora di l’associu bigugliese, Liliane Baron, « L’insignamentu di u ballu hè attempu un donu di sè stessu è una rimessa in questione perpetua. Ci vole attempu assai asprura è amore di a disciplina cum’è di l’altru. » Sta prufessora diplumata di Statu in jazz, chì intervene dinÒ in l’Università di Corsica è in e scole primarie, hè stata furmata in EPSE Danse (Montpellier) cù Anne-Marie Porras, in prima à pruducesi nantu à u palcuscena, dopu à l’insignamentu. Rientrata in Corsica, hà guadantu u Défi Jeunes è hà cuminciatu à insignà. Po pocu à pocu s’hè circundata di persone cumpetente per custituisce una squatra pluridi- siciplinaria. « I prufessori di LDanse anu tutti u so D.E. è ognunu d’elli hè spezializatu in a so disciplina, sottulineeghja Liliane. À elli tutti, danu più di 20 corsi settimanali di tutti livelli in classicu, jazz è cuntem- puraneu, ma dinò in hip hop è yoga.

Quessa da u luni sin’à u sabbatu, è ancu a dumenica, nantu à quattru siti : in Biguglia, in una sala accantu à u giratoghju di E Ceppe è in u cullegiu, in a MJC di Furiani, è in u COSEC di U Viscuvatu. In più, a nostra scola urganizeghja regulare in tempu di vacanze sculare stazii cù prufessori di Corsica è d’altrò. »

Una scola senza exclusiva

Ciò chì face una di e specificità di LDanse hè a so dimensione transgeneraziunale. « Ind’è noi, si scontranu tutte l’età. U palcuscena è i corsi appartenenu à i zitelli cum’è à i maiò chì ùn ballanu spiccati di modu ubligatu. Avemu tutti qualco- sa à arricà à l’altri. » Liliane Baron hè a prima à avè messu in piazza attelli genitori-figlioli. Una altra manera emuziunante di sparte è di creà. « A creazione curegrafica face parte di l’ADN di a nostra scola. Cumpletta i corsi tecnichi à traversu sezzione induve ognu- nu deve stà à l’ascoltu di l’altri, ciò chì rinforza a cuesione di u gruppu. Face chì cumpetizione trà alevi, ùn ci n’hè micca. Tutti l’universi, tutte e sensibilità si ponu sprime. » L’insignanti di LDanse stanu sempre attenti à e capacità fisiche è mentale d’ognunu, sopratuttu à e ferite occasiunale o durabile, è cercanu, s’è ci vole, e pusture u menu traumatizante per a persona. « Ogni corsu rispetta e fase preparatorie è finale di riscal- damentu è di stretching. È pigliemu sempre una stonda nanzu o dopu per ragiunà ». 130 alevi eranu scritti in 2023-2024. A scola l’aspetta in sta rientrata cù altri, tutti quanti benvenuti.

LDanse – Tél : 06 15 49 78 82 contact@ecoleldanse.com

www.ecoleldanse.com